خمیدہ راہ کو سیدھا غلط بتایا ھے



خمیدہ  راہ  کو  سیدھا   غلط  بتایا  ھے
کسی نے اندھوں کو رستہ غلط بتایا ھے

ضرور چور تھا اُس مرنے والے کے دل میں 
تبھی  خزانے کا  نقشہ  غلط  بتایا  ھے 

میں  ایک  بات  بتاتا  مگر   بزرگوں  نے 
ہر  ایک  بات  بتانا   غلط  بتایا  ھے 

یہاں پہ رہتا نہیں کوئی قیس نام کا شخص
کسی نے  آپ کو  صحرا  غلط  بتایا ھے 

یہ زیست واقعی مشکل ھے یا مجھے دل نے
گزارنے   کا   طریقہ   غلط  بتایا   ھے 

ہماری  دربدری  کیوں  پسند  ھے  اُس کو
نجانے  کیوں  پتہ  اپنا  غلط  بتایا  ھے 

جدید دور  کے  درویش ہیں عقیل ہمیں 
حریف  نے  سگ ِِ دُنیا  غلط  بتایا  ھے







مصنف کے بارے میں


...

عقیل شاہ

1/1/1980 - | Rawalpindi





Comments