وہ



ع / وہ

گود کیاری سے کود کر نکلی
اس کی پنیری سفر پہ چلی
سکول سے کالج کے بڑے گملے میں ہو لی

ایک گھر کے پائیں باغ میں پلی بڑھی
دوسرے گھر کے لان میں پھلی پھولی

آج کل، کوٹھی کے مین گیٹ کا سنگھار ہے
سابق چھتنار، موجودہ باڑ کا سایا چھدرایا
پوتوں دوہتیوں کی آنکھیں اسے دیکھ کر دمک اٹھتی ہیں
زرد شاخیں پھولوں کو باہوں میں اچک لیتی ہیں
کہانیوں بھرا الاؤ روشنی کرنے کو تیار ہے

Dedication:
Salima Hashmi
#MothersDay





مصنف کے بارے میں


...

ادریس بابر

1974 - |


گوجرانوالہ پاکستان میں پیدا ہونے والے لکھاری نے انجینئرنگ یونیورسٹی لاہور سے الیکٹریکل انجینئرنگ کی. پہلا شعری مجموعہ "یونہی" ۲۰۱۲ میں شائع ہو سکا جسے فیض احمد فیض ایوارڈ سے نوازا گیا۔ اکادمی ادبیات پاکستان کے لیے پاکستانی ادب کے سالانہ انتخاب سمیت پاکستانی نظم کا ستر سالہ انتخاب مرتب کیا. مجلس ترقی ادب لاہور کے لیے اردو غزل کے ستر سالہ انتخاب کی تدوین کی. متعدد زبانوں اور اصناف میں شاعری آور تراجم کے ساتھ ساتھ بابر نے عشرے کی صنف متعارف کرائی جسے بطور خاص جدید ترین لکھنے والوں کی نسل میں قبول عام حاصل ہوا.




Comments